ژباړه: ساحل منګل
دهغو حالاتو له مجموعې لکه عصبي کېدل،نفرت کول،خوښي ،غم ،عشق ،هيله ،ويره او نور دهر انسان احساسات تشکيلوي .څوک ،چې خندا کوي دهغه په حرکاتو هر څوک پوهيږي .اشاره کول په ټوله نړۍ کې ديوه انسان دعواطفو د ذاتي ځانګړنو څخه ده .د وجود احساسات له انسانانو سره مرسته کوي ،چې له يو بل سره اړيکې وساتي .احساسات دخلکو د اروايي وضعيت ښکارندويي کوي او دمناسو کړو وړو لپاره په مختلفو شرايطو کې ډير مهم دي .
احساسات اروايي بدلونونه منځ ته راوړي ،دغه بدلونونه په مغزو کې رامنځ ته کيږي او په خپله په ارادي ډول دعصبي دستګا له لارې ځان ښيي .دمثال په ډول :دزړه نبض دجسمي تحرکاتو يوه روښانه نمونه ده،چې له احساساتو سره په اړيکه کې ده.احساسات کولای شي ،چې دبدن فيزيولوژيکي تحرکاتو کې زياتوالی ياکموالی راولي او دفکر او کړو وړو په وړاندې منفي يا مثبت تاثيرات ولري .
احساسات دپيچلو مفکورو حاصل دي ،چې دهغو مرکز په عصبي دستګا کې د(آميګدال ) په نوم ياديږي .دې مرکز ته اطلاعات راځي تجزيه او تحليل کيږي او په ډيرې چټکتيا سره پيغامونه دمغزو مختلفو برخو ته ليږي .
پوهان عقيده لري ،چې احساسات دتکامل په وخت کې رامنځ ته کيږي او دمشخص هدف سره هم پرمختګ کوي .چارلزډاروين دانسانانو د احساساتو د ښکاره کېدو په طريقه دلومړنيو او اوسنيو انسانانو تر منځ عقيده لرله او ويل ېې ،چې دانسان څيره د دفاع او بريد په وخت کې له ډېرو پخوا زمانو څخه په هماغه ډول ،چې پخوا وه اوس ېې هم شکل بدلون کوي .
پوهان ددې خبرې په ځواب کې ،چې ايا احساسات کولای شي دڅه شي توضيحات ورکړي ؟ په دې اړه بيلابيلې نظر ېې وړاندې کړې دي .ددې ډله څخه ېې ويليام جمز او کارل لانګه يو ډول پايلې لاس ته راوړې دي .هغوی په دې عقيده و ،چې انسانان دفيزيولوژیکي بدلونونو په وخت کې احساسات ثبتوي او هغه د عاطفې او احساساتو په ډول ښکاره کوي .دغه نظريه ددې ښکارندويي کوي ،چې جسمي غبرګونونه نه يواځې داحساساتو پايلې دي ،بلکه په خپله احساسات هم دي .
د فيزيولوژي پوهانو له ډلې والتر کانن او فيليپ بارډ په دې عقيده دې ،چې احساسات نه يوازې په فيزيولوژيکي ډول بلکې په ورته وخت کې په رواني ډول هم پيداکيږي .دامريکا يو شمېر ټولنيز ارواپوهان هم په دې باور دي ،چې فزيولوژيکي خوځښتونه دعمومي حالاتو څرګندوی دي .