ژباړه: محمد فريد عاطف

استوګنیزه ودانۍ څه شی ده ؟ What is a residential building?

استوګنیزه ودانۍ داسې تعریف کیږي چې هغه ودانۍ  چې له یو پوړ زیات پوړونو مساحت د استوګنې موخې لپاره کاریږي .یا بل عبارت ،استوګن ودانۍ هغه ودانۍ ده چې په کې د خوب اسانتیا برابریږي کیدای شي  پخلنځي او خوړولو ځای ولري او یا یې ونه لري.

د استوګنیزه ودانۍ ډولونه .  Types of residential building

استوګنیزه ودانۍ په لاندې ډولونو ویشل کیږي .

• انفرادي کورونه یا شخصي اوسیدو ځای .
• داوسیدو کورونه .
• لیلیې .
• اپارتمانونه ،
• هوټلونه .
• انفرادي کورونه یا شخصي اوسیدو ځای .Individual houses or private dwellings

انفرادي کورونه یا شخصي استوګن ځایونه معمولا د یوې کورنۍ شخصي ملکیت وي .که چیرې له یوې کورنې زیاتې کورنۍ په یوه ودانۍ کې اوسیږي نو بیا دیته څوګونې کورنیو شخصي ځای بلل کیږي .

• داوسیدو کورونه . Lodging or rooming houses

د اوسیدو کورونه یا څوګونې ګورنه د دودانیو  ګروپ دی چې د یو واحد مدیریت لاندې کارکوي .په دې حالت کې ،د استوګنې شرایط د بیلابیلو کسانو لپاره په جلاجلا شکل برابریږي .

3)      لیلې . Dormitories

لیلې د استوګنې یو بل ډول ودانۍ دي ،په کوم کې چې  د انفرادي اشخاصو لپاره  د خوب ځای برابریږي.دا کیدای شي د یوښونځي لپاره وي د پوهنتون لپاره وي او هم کیدای شي د نظامي بارکونو لباره وی.

4)      اپارتمانونه. Apartments

اپارتمانونه یا پلاټونه غټې ودانۍ وي چې بیا د وړو کورنیو لپاره انفرادي استوګن ځایونه لري.په یو اپارتمان کې لږترلږه درې یا زیاتې کورنۍ یو له بلابله جلاجلا اوسیږي .

5)      هوټلونه . Hotels

هوټلونه د اوسیدو کورونو په څیر وي او یو کس یی اداره کوي خو په دې کې لنډمهاله استوګنه ورکول کیږي .

د استوګنیزه ودانیو لپآره  د ځای غوره کول . Site Selection for Residential Buildings

د هرې ودانۍ لپاره د ځای غوره کول ډیر مهم دی او تجربو لرلو ته ضرورت لري او باید په ډير احتیاط سره د یوتجربه کار کس لخوا ترسره شي.د بیلابیلو موخو کارولو لپاره د ودانیو غوښتنې هم مختلفې وي .په لاندې ډول یو شمیر مهم فکتورونه یاد شوي چې د استوګن ځای غوره کولو پرمهال باید په پام کې ونیول شي.

• ساحه باید مکمل انکشاف یافته وي او یا داسې ساحه وي چې د انکشاف ظرفیت په کې ولیدل شي.
• باید په هغه سیمه کې د ترانسپورت ښې اسانتیاوې شتون ولري .
• مدني خدمات لکه اوبو ته لاس رسی ،فاضله اوبو ایستلو سیستم ،بریښنا ،ټلفون روغتون او داسې نور خدمات باید  ورته نژدې وي .
• د ساحې خاوره باید ډکون نه وي . داسې خاوره غیر منظم نشست کوي او د ودانۍ د چپه کیدو لامل ګرځي .
• غوره شوې ساحه باید پوره پراخه وي .
• په ساحه کې د ځمکې لاندې اوبو ټیبل ډیر لوړ نه وي .
• ښوونځي ،روغتون ،مارکیټ او داسې نورو اسانتیاو ته نژدیوالی باید په پام کې ونیول شي.
• تر کافي اندازې ژوروالي پورې باید ښه تهداب خاوره شتون ولري.داسې ټکو ته پام هم د ودانۍ لګښت سپموي او هم وخت .
• ساحه باید ښه نما ولري .
• د استوګن کور ساحه باید له بوختو سوداګریزو سرکونو په یو واټن کې واقع وي .
• استوګن کور باید د ورکشاپونو ،فابریکو او داسې نورو سوداګریزو او صعنتي ودانیو سره نژدې نه وي .
• د ساحې جهت ورکول هم د ساحې په غوراوي اغیز لري.ساحه باید داسې وي چې سهار وختې لمر واخلي او ترټولو زیاته رڼا ودانۍ ترلاسه کړای شي.