پوهنمل حاجي محمد نوزادي (زوکړه د ۱۳۲۶ لمريز کال د لړم مياشت) يو پښتو ژبی ليکوال او شاعر دی .
حاجي محمد نوزادي د ۱۳۲۶ لمريز کال د لړم په مياشت کې د هلمند ولايت په نوزاد ولسوالۍ کې زېږېدلی دی.
لومړنۍ او منځنۍ زدکړې یې په خپله سیمه او کندهار ښار کې کړي. لوړې زدکړې یې د کابل په طب پوهنځي کې سرته رسولي.
په ۱۳۴۵ لمريز کال د کابل پوهنتون د طب پوهنځي محصل شو چې له یو کال زدکړو ورسته د کابل پولي تخنیک انستیتوت لپاره د استادانو د روزنې په یوه پروګرام کې د پخواني شوري اتحاد ته لاړ او هلته یې په کال ۱۹۷۳ کې د مسکو له دولتي پوهنتون څخه د جیولوژي په برخه د لېسانس او په کال ۱۹۷۸ ز کې یې د دوکتورا سند هم ترلاسه کړ.
د کابل پوليتخنیک د جیولوژي او کانونو په څانګه کې د استاد په حیث، د کانو او صنایعو په وزارت کې د جیولوژي او سروې د عمومي رایس او په ځینو نورو ورته پوستونو یې تر ۱۹۹۷ ز کار کړی.
د مسلکي او تدریسي کتابونو تر څنګ یې زیات شمېر علمي کتابونه پښتو او دري ته را ژباړلي دي. همدارنګه یې یو لړ علمي، تخنیکي او مالومتي فلمونه پښتو ژبې ته را ژباړلي. اوس مهال له ۱۹۹۹ ز کال راهيسې په ډنمارک کې اوسیږي.
