خالد عثمان زوی په ۱۳۷۲ لمریز کال د لړم په میاشت کې په کابل کې زږېدلی او د پکتیا د آریوب ځاځيو څخه دی.
لمړنۍ او منځنۍ زده کړې یې د حبیبیي په عالي لیسه کې کړي چې په ۱۳۹۰ لمریز کال له نومړې لیسي څخه فارغ شوی. د اسلام اباد په اسلامي پوهنتون کې یې د جمعي اړیکو په برخه کې لوړې زدکړې کړي او اوس مهال د عامه اړیکو په برخه کې د تخصص په ترلاسه کولو بوخت دی.
خالد عثمان زوی د هېواد او سیمې هیوادونو په بیلا بیلو لنډ مهاله کنفرانسو او ورکشاپونو کې د افغان ځوان په استازیتوب ګډون کړی، اوس مهال د کډوالو لپاره د ملګرو ملتونو د لویې کمشنرۍ UNHCR د اسلام اباد په ځانګه کې د افغان کډوالو ځوانانو رسمي استازیتوب کوي.
د خپلو زدکړو تر څنګ یې په اسلام اباد کې د لنډې مودې لپاره په افغان سفارت کې دنده ترسره کړې، د مورنۍ ژبې تر څنګ په فارسي او انګریزي ژبو روانې خبرې کوي، په عربي او اردو ژبو هم لاس بری دی. ژباړې او لیکنې یې له چاپي او انلاین رسنیو څخه خپریږي، اوس مهال لومړيتوب علمي او مسلکي ویب سایټ ته علمی او مسلکي ژباړې او لیکنې کوي.
