خوشالي هغه څه دي چې ترلاسه کېږي، خو یوازې پر دې ځان پوه کړئ چې چېرته او څنګه یې ولټوی.
باور دا دی چې کولای شی په ژوند کې خپلو ټولو غوښتنو ته ورسېږی، خو یوازېنۍ لاره یې دا ده چې له نورو کسانو سره هم مرسته وکړئ، څو خپلو غوښتنو ته ورسېږي؛ ځکه ټول خلک غواړي یو ښکلی او بریالی ژوند ولري.
حدیث شریف دی، رسول الله صلی الله عليه وسلم فرمايي: «څه چې د ځان لپاره خوښوی، د نورو لپاره یې هم خوښ کړئ».
کېدای شي تاسو پوه شی چې څه مو د خوښۍ او خوشحالۍ لامل ګرځي او څنګه کولای شی خپلو موخو ته ورسېږی؛ خو پر دې هم باید پوه شی، کله چې د يو څه له نه لرلو ځورېږئ، نو ستونزه دا ده چې تاسو د پاک خدای «ج» په نعمتونو شکر نه دی کړی. که تاسو قدر پېژندونکي ونه اوسی، نو هېڅکله به هم په ژوند کې خوښي ونه ګوری او خوشاله به نه شی.
ګرانه لوستونکیه! پوه شه چې په ژوند کې د خوښیو، بریاوو او وړتیاوو تر ټولو ستره سرچینه پر خپلو شتو شکر ايستل دي او بس.