دانش کړوخيل د ارواښاد عبدالمنان ځوی، په ۱۳۵۵ لمريز کال د ثور د مياشتې په ۲۶ مه چې د ١٩٧٦ زيږديز کال د می د مياشتې له ۱۵ مې سره سمون خوري د کابل ولايت د خاک جبار ولسوالۍ د چنار په کلي کې زيږيدلې دی. په ۱۳۸۳ لمريز کال کې د پژواک خبري اژانس رييس شو او په ۱۳۹۴ لمريز کال کې د اطلاعاتو ته د لاسرسۍ د کمېسيون غړي وټاکل شو.
نه يواځې دا چې دى خپله د راپورونو او خبرونو د توليد او وېشنې په برخه کې د پژواک د کارکوونکو سره برخه اخلي بلکې، د خپلو خبريالانو، اېډېټرانو او د مارکېټينګ مديرانو يا منېجرانو ته د پرمختيا په حال کې د آژانس د ودې او نړيوالو رسنيو سازمانونو، ګډون کوونکو او دولتي کارکوونکو سره د ټينګولو په برخو کې لارښوونه کوي.
د پژواک د رياست له دندې وړاندې، دانش په کابل کې مېشت د جګړې او سولې د رپوټ ورکولو انسټېټيوټ سره د کارکوونکي په توګه د ٢٠٠٢ کال د ډسمبر له مياشتې د ٢٠٠٥ زيږديز کال د جنورۍ تر مياشتې دنده تر سره کړې ده، سلګونه زده کوونکي او برحاله ژورنالېستان يې روزلي او فيچري او تحليلي راپورونه يې ليکلي دي.
د طالبانو د واکمنۍ پرمهال، په کابل کې د ان بي سي ټلويزيون د خبريال په توګه يې راپورونه، ليکنې او تصويري ګزارشونه برابر کړي دي.
دانش چې له پيل څخه يې په پاکستان کې زده کړې کړې وې، د ديپلوم د ترلاسه کولو په موخه کابل پوهنتون ته لاړ. په داسې حال کې چې د پوهنتون د يوه محصل په توګه يې له ژورنالېزم سره ډېره زياته مينه لرله، ده به پېښو په اړوند د ډان، جنګ، هېرالډ او وحدت په ګډون په پاکستان کې مېشتو ورځپاڼو او جرايدوته راپور ورکاوه.
نوموړي په افغانستان کې د ژورنالېزم د وضعيت په باب (مسلکي خبريالي) کتاب تاليف کړی او په دري ژبه يې د ( رهنماى ژورناليستان) کتاب له دوه نورو ليکوالانو سره ليکلي دى.
دانش کړوخيل په ژورناليزم کې د دوى د زړورتيا او د رسنيو د ازادۍ په لاره کې د فعاليت په خاطر د ٢٠٠٨ زيږديز کال د رسنيو د ازادۍ د نړيوالې جايزه، د ۱۳۸۷ لمريز کال د قوس په نهمه د امريکا د متحده ايالاتو د نيويارک په ښار کې د ځانګړيو مراسمو په ترڅ کې د ژورنالستانو د دفاع د کميټې ( CPJ ) لخوا تر لاسه کړه.
دغه راز نوموړی ته د ۱۳۹۱ کال د غويي ۲۸ مه په کابل کې د کاناډا سفارت او په افغانستان کې د سوېلي اسيا د رسنيو د ټولنې (سفما) لخوا د ( لسيزې تکړه خبريال) اوارډ ورکړی شو.
بشري حقونو ته درناوى، حساب ورکولو ته د حکومت او مشرانو هڅول او په عام ژوندانه کې د خلکو د ګډون پراختيا او پياوړتيا له امله د بې پولې ژورنالېستانو نړيواله ټولنه (RSF ) له خوا د ٢٠۱۴ زيږديز کال د می په دريمه دانش کړوخېل د معلومات رسولو د نړۍ په سلو اتلانو کې راغی او د نوموړي ژوند ليک ددغې اداري لخوا خپور شو.
نوموړی تر اوسه په افغانستان کې په لسګونه ستاينليکونه تر لاسه کړی او د ٥٠ څخه ډيرو هېوادونو ته يې سفرونه کړي دی.
دانش په دري او انګليسي ژبو د خپلې مورنۍ ژبې په شان پوره برلاسی دی، په عربي او اردو ژبو پوهېږي.
