له سوکرات څخه يو ځوان وپوښتل :
دبرياليتوب راز په څه کښې دی؟
سوکرات ځواب ورکړ: سبا دسيند غاړې ته راشه؛ ترڅو د برياليتوب راز درته په ګوته کړم.
سهار وختي ځوان په ډيره خوښۍ دسيندغاړې ته ولاړ،سوکرات له نوموړي وغوښتل ترڅو په ده پسې ورشي.ځوان له ده سره روان شو. اوبو ته ورسيدل او دومره مخ ته ولاړل ترڅو يې اوبه ترستوني پورې ورسېدې. ناببره سوکرات ځوان ترستوني ونيو او په اوبو يې غوټه کړ. ځوان هر څو هڅه وکړه چې ځان وژغوري خو ويې نشوای کولای دسوکرات له ځواکمنو منګولو ځان وژغوري.
ځوان تر هغه پورې تر اوبو لاندې پاته شو چه رنګ يې توروالی غوره کړ. همداچه له اوبو څخه راپورته شو، لومړی کار چې وېې کړ دا و چه ژوره ساه ېې واخسته ترڅونفس تازه کړي.
سوکرات وپوښتل: تر اوبو لاندې دې ترټولو لويه هيله څه وه؟
ځوان وويل : هوا اخستل!
سوکرات وويل: هر وخت که په همدې کچه چې دهوا او سا اخستنې لېوالتيا لرې؛ دبرياليتوب په لټه هم شې نوهغه به ترلاسه کړې، برياليتوب يوازې همدايوراز لري.
محمود سعيد
