کله چې تاسو د یوه کار کولو پرېکړه کوی، ښه ده چې له يوې ځانګړې پروسې کار واخلی. ټول اړين موضوعات در سره ولیکئ. د مسایلو په اړه خبرې او له ملګرو او همکارانو سره مو سلا مشورې وکړئ څو نظرونه سره شریک کړی. له ځایه مو پورته شی حرکت وکړی له نورو ملګرو مو هم وغواړی، چې له خپل ځای پورته شي او حرکت وکړي.
تصویرونو ته کتل او د جدولونو رسامي د هغو کسانو لپاره مهمه تګلاره ده، چې د لیدلو حس یې قوي وي. دوی هغه وخت ښه پرېکړه کولی شي، چې هر څه په خپلو سترګو وویني او درک یې کړي. ارواپوهان وایي، د دې لپاره چې مسایل ښه درک کړی، په لوړ اواز یې په اړه خبرې وکړئ. د دې لپاره چې لمسي قوه مو پیاوړې شي، ټول مسایل د کاغذ پر مخ ولیکئ او په لوړ اواز یې په اړه خبرې وکړئ، هڅه وکړئ د خبرو کولو پر مهال ځان ته حرکت هم ورکړی.
د دې لپاره، چې مسایل مو ښه درک کړي وي په پارک کې چکر ووهی. دغه تګلاره د هغو کسانو لپاره غوره ده، چې د لمسي قوې څخه په ګټې اخیستنې غواړي خپلې ستونزې حل او موخو ته ځان ورسوي.