قُلْ إِن كَانَتْ لَكُمُ الدَّارُ الْءَاخِرَةُ عِندَ اللَّهِ خَالِصَةً مِّن دُونِ النَّاسِ فَتَمَنَّوُا الْمَوْتَ إِن كُنتُمْ صٰدِقِينَ{۹۴}
ووايه ورته ای محمده! که چېرته د آخرت ښه ژوند الله جل جلاله پرته له نورو وګړو، يواځې تاسې ته ځانګړې کړې وي، نو بيا خو د مرګ هيله وکړئ که چېرته تاسې ريښتوني يئ.
وَلَن يَتَمَنَّوْهُ أَبَدًۢا بِمَا قَدَّمَتْ أَيْدِيهِمْ ۗ وَاللَّهُ عَلِيمٌۢ بِالظّٰلِمِينَ{٩٥}
او هيڅکله به هغوي د هغې څه لامله، چې په خپلو لاسونو يې له ځانه وړاندې ليږلي د مرګ غوښتنه ونه کړي، د تيري کوونکو په حال الله جل جلاله ښه پوه دی.
وَلَتَجِدَنَّهُمْ أَحْرَصَ النَّاسِ عَلٰى حَيٰوةٍ وَمِنَ الَّذِينَ أَشْرَكُوا ۚ يَوَدُّ أَحَدُهُمْ لَوْ يُعَمَّرُ أَلْفَ سَنَةٍ وَمَا هُوَ بِمُزَحْزِحِهِۦ مِنَ الْعَذَابِ أَن يُعَمَّرَ ۗ وَاللَّهُ بَصِيرٌۢ بِمَا يَعْمَلُونَ{٩٦}
هرو مرو به ته يهود، آن تر مشرکانو هم زيات د ژوند خوښوونکې ومومې، ځکه د دوي هريو غواړي چې زر کاله ژوند وکړي، خو زرکاله ژوند به يې هم له عذابه ونه ژغوري، الله جل جلاله د هغوي کړنې ويني.
قُلْ مَن كَانَ عَدُوًّا لِّجِبْرِيلَ فَإِنَّهُۥ نَزَّلَهُۥ عَلٰى قَلْبِكَ بِإِذْنِ اللَّهِ مُصَدِّقًا لِّمَا بَيْنَ يَدَيْهِ وَهُدًى وَبُشْرٰى لِلْمُؤْمِنِينَ{۹۷}
ووايه ورته ای محمده! څوك چې له جبرائيل سره دښمني لري، نو پرته له شکه جبرائيل خو د الله جل جلاله په امر قرآن ستا پر زړه نازل کړی، چي د وړاندېنيو كتابونو د تائيد ترڅنګ، د مؤمنانو لپاره لارښوونه او زېری دی.
