د « داعش تاریخ، وحشت او راتلونکي» په نوم د کتاب پښتو ژباړه چاپ شوه. دغه کتاب چې د عبدالباري عطوان په نوم عرب لیکوال لیکلی پښتو ته حکمت جلیل را ژباړلی دی. په کتاب کې چې ۲۷۲ پاڼې او ۱۱ څپرکي لري د داعش ډلې پر رامنځته کېدو، فعالیتونو او تشکیلاتو په تفصیل بحث شوی دی. لیکوال د کتاب په سریزه کې داعش پر عراق د امریکا د برید او هلته د مذهبي تاوتریخوالي د رامنځته کولو طبیعي پایله بللې ده. دغه کتاب اکسوس کتاب پلورنځي چاپ او خپور کړی دی .مینوال کولای شي دغه کتاب د نوموړي کتاب پلورنځي څخه په مناسبه بیه تر لاسه کړي.