ليکنه: ذکريا رحيمي
فکر او کړنه
منطقي فکر :
هغه فکر چې د علم او پوهې په اساس وي؛ منطقي فکر ويل کېږي. په علمی حقایقو پوهیدل او له دې لاری یو څه ثابتولو ته منطقي فکر وايې.
د مغز د چپ اړخ فکر :
دکلیفورنیا پوهنتون یو پروفیسر دا پیدا کړه چې د ذهن دهرې برخې عملکرد توپیر لري. منطقي فکر دذهن دچپ اړخ د فکر کولو یوه حصه ده.
هغه په دې وپوهید چې د ذهن چپ اړخ :
- د وجود د ښی اړخ کنټرول کوي
- د ښي اړخ د لید کنټرول کوي
- مغز ته د داخليدونکو مالوماتو تر تیب کوي
- د منطقي او څېړنېز فکر مرکز دی
- اهداف تعینوي او د اهدافو لپاره پلان جوړوي
- د یادښت، او احضار ژبه ترتیب کوي
اداره کوونکې فکر:
د اداره کولو لپاره فکر د مالوماتو د لټون د غلطۍ پیداکولو، د مالوماتو څیړلو، راغونډولو او تحقیق کولو لپاره هم زمونږ د مغز چپ اړخ کاروي. مغز دا فکر کوي چې ستونزه څه ده؟ څه شوي او دستونزې وجه پیدا کوي. مالومات پیدا کوي او څیړي او ځان پرې پوهوي چې د دې کار تر سره کولو لپاره د چپ اړخ مغز نوي مالومات لټوي چې په دې سره زمونږ علم او پوهه کې توسعه پیدا کېږي. د ادارې لپاره د چپ اړخ مغز لاندې ۵ مراحل طی کوي:
- یو ځانګړی هدف یا د حل لاره
- سیستماتیک پلان
- د مالوماتو کارول
- علت او دلیل
- د نتیجی لپاره هڅه
اهداف:
په منطقي فکر کې اولنی ګام ځانګړی هدف لرل دي چې حافظه پکې خاص اهمیت لري. داسې اهداف چې لاس ته راوړل کېدای شی، حقیقی وي، او اندازه کېدونکي وي.
د بېلګې په ډول: د یو شرکت هدف ۳۰ ټنه تولید لپاره؛ پلان، د وسایلو کارونه، د کړنو اداره د پیل له یوي خاصې نقطې تر سلسلې او تر نتیجې پورې یو هدف دی چې د مغز چپ اړخ يې د منطقي فکر په ذریعه کنټرول کوي.
سیستماتیک پلان:
کله چې په دې وپوهیږو (هدف مو څه دی)؛ هدف ته د رسیدو لپاره دويم ګام سیستماتیک پلان دی. سیستماتیک پلان مونږ ته وايي چې هدف ته څنګه ورسیږو. د رسیدو لپاره تګلاره، مراحل او سیستم پیدا کوونکی دی. سیستماتیک پلان لکه د کمپیوټر د پروګرام په څیر دی؛ لکه یو پروګرام کې فارمول لیکل او د نتیجی اخیستلو په څیر دی.
د مالوماتو کارول:
د چپ اړخ مغز د سیستم د مراحلو د نښلولو لپاره هم کاریږي. د مراحلو لپاره مونږ اړوند مالوماتو ته ضرورت لرو. اړوند مالومات لرل کلیدي اهمیت لري.
د چپ اړخ مغز مالومات پیدا کوي، د یو ګروپ شکل ورکوي، بیا ګروپونه متحد کوي او د مالوماتو په غټ انځور يې بدلوي چې دې اړیکو ته مراحل وايي.
منظم فکر حساس، څېړنېز او سیستماتیک وي
- ښی اړخ مغز د تصوري فکر دنده مخ ته وړي
- د چپ اړخ مغز د منطقي فکر کولو دنده پر مخ وړي
د منطقي فکر اساس اړوند مالومات دي چې کله کله دا مالومات بدلیدونکي، د اعتماد وړ او ریښتونی نه وي.
د ښی اړخ مغز:
- د بدن چپ اړخ کنټرول کوي
- د چپ اړخ لید کنټرول کوي
- فاصله درک کوي
- د تصوري مهارت مرکز دی
- د تصور کولو مسؤول دی
- د میتافور یا مقایسې او د سمبولونو فارمول کولو مسؤول دی
اختراع کوونکې فکر:
د نوي فکر توسعې ته اختراع کوونکی فکر وايي.
کله چې یو پیژندل شوی فکر یوې ستونزې ته ځواب ونه وايي؛ د ستونزې د حل لپاره هر کس خپل فکري وړاندېز کوي. دې وړاندېز ته دفکر تخلیق یا اختراع کوونکی فکر ويل کېږي. د دې وړاندېز لپاره انسان خپل د ښي اړخ مغز کاروي.
د ښه مخترع کېدو لپاره علمي څېړنې او نظرونه
د ماشوم په څیر فکر کول:
له کمعمرۍ وروسته انسان دخاصو شرایطو لاندې د یو هدف لپاره فکر کوي خو د ماشوم فکر بې اختیاره تر ډیر لرې کنجکاوي کوي. د ماشوم په څیر فکر کولو لپاره بایدمونږ ځان داسې کړو چې مونږهمدا اوس همدلته په حال کې یو او د هغوسوالونو په اړه بیا فکر وکړو چې ځواب شوي وي.
لکه: ولې پاڼی شنی دې؟ خلک له کومه راځي؟ ولی باید خوب وکړو؟ چې مړه شو چېرته ځو ؟ ولی باید کار وکړو؟
کنجکاوي:
زړو ستونزو ته نوي ځوابونه پیدا کول او په نوي نظر بیا ځلې کتل. سیګ منډ فرويډ وايي چې دا عادت هم په کم عمره ماشومانو کې ډیر دی.
د معاصر ساینس پلار البرټ انشټین وايې: د مخترع کېدو لار د هر څه په اړه داسې فکر کول چې بل چا نه وي کړی؛ ده.
[review]
