لیکنه: ډاکټره وسیمه شهزاد جلیل
۱- د هرسوتیزم د دلیل موندلو لپاره باید عمر، د هرسوتیزم د ودې چټکتیا او نورو نښو نښانو ته پاملرنه وشي.
که چېرې میاشتنی عادت ګډوډ شوی وي، په ډېر اټکل سره هرسوتیزم د پولي سیسټیک تخمدان څخه منشأ اخیستې او په ادرنال غده پورې اړه نلري.
خو که له تیونو څخه شیدې راوتلې، د وینې لوړ فشار او د مرکزي برخو چاغښت لکه د خېټې چاغښت هم ورسره وو نو هرسوتیزم په ادرنال غده پورې اړه لري.
۲- که میاشتنی عادت طبیعي وی او نامنظم نه وي نو کېدی شي هرسوتیزم جنیتیکي وي.
هرسوتیزم مختلفې درجې لري.
۳- هغه ښځې چې خفیف هرسوتیزم لري د زنې پر سر او د پاسنۍ شونډې پر سر وېښتان لري د تیونو شاوخوا او د خېټې پر سر وېښتان لري.
پرمختللی هرسوتیزم لږ شدیدې نښې لري لکه؛ پر ټټر، د ولیو منځ او اوږې، پر خېټه او غږ له بوغوالي (ډبلوالي) سره مل وي.
دا ډول هرسوتیزم اکثرا په بلوغ کې رامنځ ته کیږي او د شدیدو هورموني بدلونونو ښکارندویي کوي.
۴-چاته چې هرسوتیزم او د میاشتني عادت ګډوډي رامنځ ته شوي وي بویه چې د ادرنال غدې،هایپوفېز غدې او د تخمدان د تومور پلټنه وشي.
۵- هرسوتیزم مېدی شي د ځینو درملو پواسطه هم رامنځ ته شي لکه کورتیکوسټروئیدونه ،عصبي درمل او داسې نور…چې په دې صورت کې باید درمل قطع شي او د هرسوتیزم لپاره د ښځینه هورمون بواسطه درملنه پیل شي.
۶- هرسوتیزم د نرینه هورمون د سویې د لوړېدو له امله منځ ته راځي او باید د درملنې په موخه دا هورمون بېرته په بدن کې راښکته شي.