راټولونه: حبيب الرحمن

وزر د علم خور کړه چې اسمان ته ورسیږې

حکمت سره اشنا شه چې لقمان ته ورسیږې

-هغه کسان چې پوهیږي او هغه کسان چې نه پوهیږي سره برابر دي؟ بې شکه پوهان پند اخلي. (ایت شریف)

• یقینا دالله ج څخه دهغه پوه بنده ګان ویریږي. (ایت شریف)

• څوک چې دعلم دحاصلولو په غرض دکوره ووځي تر بیرته راګرځیدو پورې دخدای په لاره کې دی، تلنه او راتلنه یې ټول په ښګیڼه کې شمیرل کیږي.(حدیث شریف)

-یوه ګړۍ په دیني علم کې مذاکره کول له دې ښه دي چې ټوله شپه په عبادت سره ویښه تیره کړي.(حدیث شریف)

-څوک چې دعلم د حاصلولو هڅه کوي پاک خدای ج  به ورته دجنت لار او اسباب برابرکړي.(حدیث شریف)

-دعلم زده کړه پرهرمسلمان فرض ده.(حدیث شریف)

• چاته چې مرګ ورسیږي اوتر هغه مهال پورې  دعلم په طلب اولټون کې وي په واسطه یې اسلام را ژوندی کاندي دنوموړي او پیغمبر ترمنځ به یوه درجه توپيرپه جنت کې وي.

-څوک چې د دین علم دعلماوسره مقابلې کولو اویا د ناپوهانو سره دمجادلې لپاره او ځان ته د توجه جلبولو په غرض زده کوي نوخدای پاک به یې په دوزخ کې داخل کړل شي.

-دعالم لپاره خامخا مغفرت غواړي هغه مخلوقات چې په اسمانو او ځمکوکې دي تر دې پورې چې ماهیان ورته په اوبوکې دبښنې دعا کوي.

• دقیامت په ورځ به دقدر اومنزلت له مخې تر ټولو ټیټ اوبدسړی هغه څوک وي چې له خپل علم څخه ګټه نه اخلي.

-ستا ارزښت په علم اوادب کې دی نو د پوهې په لاسته راوړلو کې هڅه وکړه څومره چې دې په ادب اوپوهه کې پرمختګ وکړ په همدغه کچه دمقام اومنزلت لوړیږي.(حضرت عمر (رض))

-په کم زوروماغزوباندې ټولې بدبختۍ لاسبرې کیږي خولوستي ماغزه په ټولوبدمرغیولاسبرې کیږي.(خواجه عبدالله انصاري)

• حضرت علي (رض) خپل اولادنوته وایي اې زما اولادنو! څوک چې ددیني علومو ترڅنګ خپل وخت دمروجه علومو زده کړې ته ورنکړي له ما ښه نه دي.

-که اخرت غواړی علم زده کړئ،که دنیا غواړی هم علم زده کړئ اوکه دواړه غواړی بیا هم علم زده کړئ.(امام شافعي (رح)

-کتاب دروح غذا ده.

-تل مطالعه کوه،ځګه له مطالعې سره ددې خلاقیت ځواک غښتلی کیږي فکر اوفهم دې پراختیا مومي اودچټک پرمختک لار درته اسانوي.

-کتاب دبشریت معنوي پالنه کوي اوپرته له معنویت څخه ژوند امکان نه لري.(پلوتارت)

• له حکومت پرته ژوند امکان لري خودکتاب  دلورینو پرته ژوند مانا نه لري.(ابراهام لنګن)

-راځئ چې دعلم اوپوهې پواسطه بشریت له بدمرغیو څخه وژغورو.

-هرکله چې غمونو،ستونزواودردونو په مخه کړی یم  نوسمدلاسه مې کتاب ته مخه کړې ده نوټولوکړاونو څخه را کوچ کړی دی.(موتسیګو)

• هغه کورچې کتاب نه لري داسې دی لکه جسم چې روح نه لري. (سیترون)

-علم دټولنې لپاره دبدلون ځواکمنه وسیله ده. (نیلسن منډیلا)

-تر ټولوغوره چاره دا ده چې په ځوانۍ کې علم زده کړئ اوپه زړښت کې یې وکاروئ.

• ښوونه اوروزنه خورا مهمه ده ځګه دبشریت برخلیک ورپورې تړلی دی.(بلیسنګي)

-دعلم په زده کړه کې شرم مه کوی چې تل به دجهالت په ګړنګونوکې ټال وهئ.

• علم عزت او سرلوړي ده نو ځکه یې  زده کړې وخت له لاسه مه ورکوه.

• تل کارونه په پوهې اوتدبیر ترسره کوه.(لقمان حکیم)

• نیکمرغي په بري کې ده ، بری په پوهه کې دی او پوهه په کتاب کې ده.

• په نړی کې دعلم په شان ګټوره خزانه نشته.(خواجه عبدالله انصاري)

• هرشی چې په نړی کې زیات شي ارزښت یې کمیږي خویواځې علم دی چې څومره زیات شي په همدغه اندازه عزتمند شي.(اناتول فرانس)

• دانسان ښکلاپه علم،خپلواکي اومینه کې ده .(افلاطون)

-لوړتیا دعلم پربنسټ ده اوشخصیت دتقوا پربنسټ دی.(عبدالله مبارک)

• په هره ټولنه کې یواځې  یوه ډیوه شته چې هرچاته روښنایي ورکوي هغه هم ښوونکی دی.(ویکتورهوګو)

• څوک چې دعلم اوپوهې دلاس ته راوړلولپاره سیالي ونکړي ارزښت نه پیدا کوي.(شکسپیر)

-که هرورځ یوه کلیمه زده کړئ دکال به سلګونه جملې زده کړئ.

• په دنیا کې هیڅ داسې خوند نشته  چې دعلم اوپوهې له خوند سره سیالي وکړی شي.(اسمایلز)

-له ما څخه دنړۍ ټول خوندونه واخله پروا نه کوي مګر دپوهې له خوند څخه مې مه بې برخې کوه.(سقراط)

-هغه هیواد چې علم اوپوهې خوند لیدلی وي هیڅکله به یې وګړي په بیوزلۍ اوبدمرغۍ کې ژوند ونکړي.( کنفوسیس)

• علم او پوهه هغه کیلي ده چې ټولې دروازې پرې خلاصیږي.(اناتول فرانس)

-یواځنۍ شی چې نړی بدلوي اوذلت له منځه وړي علم دی.(فیثاغورث)

• دهر ښوونځي دروازه چې خلاصیږي دزندان یوه دروازه ورسره تړل کیږي.

• دپوه او ناپوه توپير لکه دمړي او ژوندي داسې دی.(ارسطو)

• ټول طبیعت پوهنتون دی نو ډیر څه ورڅخه زده کړئ.(چرچیل)

• هغو ولسونو چې دعلم دترلاسه کولولار خپله کړی پدې معنا ده چې سرلوړي او درناوي ته  یې مخه کړی ده.