ژباړه: عثمان همیم
سټیفن هاوکېنګ Stephen Hawking د نظري فزیک په برخه کې یو پېژندل شوی نوم دی، نوموړی انګلیس دی او په 1942 میلادی کال د جنوری په اتمه نېټه زږېدلی. په لومړي سر کې یې غوښتل ریاضیات ووایي خو بیا یې وروسته طبعي علومو ته مخه کړه. د کمبریج پوهنتون په لومړي ټولګي،او په سن 21 کلن وو چې د ALS, or amyotrophic lateral sclerosis په ناروغۍ اخته شو. ډاکترانو ورته وویل چې دوه نیم کاله به ژوندی پاتې شي ولې د خدای جلجلاله کارونه دي نوموړی اوس هم چې 74 کاله عمر لري ژوندی دی.
سټیفن حرکت نه شي کولی او په ژبه ګونګی دی خو لا هم درس ورکوي، څېړنې کوي او بېلابېلو برخو کې د پام وړ پیغامونه لري.
دلته د نوموړي یو پيغام درسره شریکوم چې ډېر د ډېر زیات اهمیت وړ دی؛ نوموړی وایي:
په یاد ولره، همېشه ستورو ته ګوره او خپلو پښو ته مه ښکته کېږه. هېڅ کله مه تسلیمږه، کار کول ستا ژوند ته مانا، هدف او مقصد ورکوي او ژوند له کار پرته هېڅ دی. که ته بختور وې او یوه مینه د پيدا کړه همېشه یې په یاد ولره او له لاسه یې مه ورکوه.
نوموړي په د وروستیو کې د رایل په پوهنتون کې په یوه لکچر کې وویل چې: ژور خفګان د تورو سوریو په څېر دی. نوموړي وویل چې خفګان او تور سوري داسې نه دي چې ته به تل پکې پاتې کېږې د وتلو لاره حتما شته او حتی امکان لري چې یوې داسې نړۍ ته ترېنه ووزې چې تر مخکني حالت نه د ډېره غوره وي.
کله چې د نوموړي نه د معیوبیت په اړه وپوښتل شول؛ نوموړي وویل: یو قرباني شوی کس باید دا حق ولري چې خپل ژوند ته د پای ټکی کیږدي که یې غواړي. خو دا به یوه ستره تېروتنه وي. تل د کولو لپاره یو څه شته، تر څو یې ترسره کړې او کامیابي ترلاسه کړې، هر چېرته چې ژوند شته هلته هیله هم شته. بیا یې د یوه الهام بخشه پيغام په ویلو سره ادامه ورکړه:
که ته معیوب وې دا ستا ګناه نه ده. خو دا سمه نه ده چې ته نړۍ د د لپاره ملامته کړې او د رحم او مهربانۍ تمه ترې ولرې. باید مثبت سلوک ولري او تر ټولو ښه شرایط ځان ته برابر کړي. که یو څوک فزیکي معیوبیت ولري هغه به د د توان ونه لري چې رواني معیوبیت هم تحمل کړي. کوم څوک چې فزیکي معیوبیت لري باید داسې چارې ترسره کړي چې فزیکي معیوبیت یې په مخ کې خنډ نه شي. ډارېږم چې د المپيک سیالیو د معیوبینو برخه دعوه راسره ونکړي خو زه دا لوبې اصلا نه خوښوم او په آسانۍ سره ویلی شم چې د معیوبینو لپاره ساینس ډېره ښه برخه ده ځکه د هغه ټول تمرکز په ماغزو دی البته چې نور ډېر کارونه به دوی ته موجود وي ولې نظري کارونه د دوی لپاره ډېر ښه دي.
زما معیوبیت زما کاري بخش ته چې نظري فزیک دی هېڅ خنډ نه دی جوړ کړی. په واقعیت کې یې مرسته راسره کړې او د اداري او تدریسي کارونه نه یې ژغورلی یم چې په جوړ حالت کې زه مجبور وم ترسره یې کړم. ما دا هر څه تنظیم کړي، که څه هم چې دا زما د مېرمنې، اولادونو، همکارانو او شاګردانو د مرستې په له امله دي. ما دا درک کړې چې خلک ډېر زیات مرستې ته حاضر دي ولې ته باید دوی ته دا احساس ورکړې چې د دوی مرسته د قدر وړ ده ولې ته په خپله هم دا کار ترسره کولی شې.
لاندې د دغه لیکنې تړونی (لېنک)پروت دی که چېرته په پورته ژباړه کې کومه ستونزه ګورۍ هیله کوم راته ویې لیکئ!
APRIL 12, 2016
