د خوښئ خبر! د بلجيم په تاريخي ښار ګېنت کې یو بل افغاني رستورانت خپلې دروازې پرانیستې. “بيت السلطان” رستورانت، د یوه نوښتګر افغان سوداګر په همت، د ګېنت د سنتپیټر ستېشن په څنګ کې، په داسې یوه ستراتیژیک او زړه راښکونکي ځای کې موقعیت لري چې د ښار له ښکلا سره یې غېږه ورکړې.
د خوندونو یوه نړۍ…
- د افغاني دودیزو خوړو بشپړه لړۍ
- د عربي پخلي ځانګړي خواړه
- د ترکي اشپزخانې غوره انتخابونه
- بېلابېل او تازه څښاکونه
- په زړه پورې او عصري داخلي دیکور
- د کورنیو او ملګرو لپاره پراخه او آرامه فضا
د افغاني کلتور یو نوی څپرکی…
په بلجيم کې افغان سوداګر د خپل هېواد د پخلي هنر او کلتوري میلمه پالنې په ښودلو سره، نه یوازې خپل هویت ژوندی ساتي، بلکې د نورو کلتورونو تر څنګ یې په ویاړ سره سیالي هم کوي. دا د افغانانو د نوښت، زیار او پرمختګ یوه روښانه بېلګه ده.
د ګېنت ښار – د تاریخ او اوسمهال یوه نندارتون
کله چې “بيت السلطان” ته راځئ، د ګېنت له تاریخي ښار څخه د لیدنې فرصت له لاسه مه ورکوئ. دا ښار، چې د صنعتي انقلاب زانګو ګڼل کېږي، د منځنیو پېړیو له معمارۍ نیولې تر عصري هنر پورې، د تاریخ یو ژوندی موزیم دی.
راځئ چې:
- د خوندور افغاني، عربي او ترکي خوړو خوند وڅکئ
- د ګېنت له تاریخي ودانیو او کوڅو څخه لیدنه وکړئ
- د یوه فرهنګي سفر په ترڅ کې له نوي افغاني رستورانت څخه ملاتړ وکړئږ
“بيت السلطان” – چېرته چې افغاني میلمه پالنه له اروپايي ښکلا سره یوځای کېږي!
دا پوست له خپلو ملګرو سره شریک کړئ.