ستاسې د انرژي په بېل کې د شبکې په نوم اضافه لګښت هم ورکوی

ستاسې د انرژي په بېل کې د شبکې په نوم اضافه لګښت هم ورکوی په بلجيم کې د برېښنا او ګازو په بېلونو کې دوه ډوله نرخونه محاسبه کېږي، یوه برخه دې خپله ګاز یا برېښنا بیه ده چې د بېلابېلو شرکتونو لخوا په خلکو پلورل کېږي. دا بیې تر ډېره د انرژي د نړیوالو مارکېټ سره تړلي دي چې د ګاز او برېښنا بیه لوړېږي او یا ټيټېږي. دوهمه برخه بیا ددې تر څنګ په ښارونو کې ددې انرژي (ګاز یا برېښنا) د تقسيم د شبکې نرخ یا لګښت دی. چې دا هم د څو دولتي او غير دولتي شرکتونو لخوا اداره او تنظيمېږي.د شبکو د پراختیا او رغونه معمولا د ښاروالۍ او فدرال حکومت لخوا بسپنه (بوديجه) او پلان کېږي. خو د فعالیت یوه برخه لګښتونه له خلکو څخه اخیستل کېږي او دوی د برېښنا او ګازونو په بېلونو کې محاسبه کېږي.دا ادارې معمولا له حکومت څخه د شبکو د لګښتونو لپاره هم پیسې ترلاسه کوي اوس مهال دا پیسې د حکومت لخوا کمې شوي نو له همدې امله کېدای شي ددې شبکو نرخ په راتلونکې کال کې تر 31 فيصده لوړ شي.تاسې په دې اړه پوهېدئ؟