ژباړه / راټولونه: سعيد
- تقليد
هغه پوهه چې له بیرونه راځي؛ دروغ ده. دا ډول پوهه د انسانانو په ناپوهۍ سرپوښ ږدي خو له هغوی نه عالم نشي جوړولای.
اشو
- غرور
په خپله پوهه غرور کول تر ټولو بده ناپوهي ده.
جورج ټایلر
- زدکړه
د زدهکړې هنر، غوږ نيول دي.
ګادامر
- وراني
د يوه هېواد وراني دوه ستر لاملونه لري: د پوهو او ځيرکو کسانو نه درلودل او د هېواد د کارونو پر سر د هغوی نه شتون!
فرانسوا ولتر
- انسان
هغه څوک چې د غوره او ښو کړنو تر سره کولو جرأت ولري؛ انسان ګنل کيږي.
شکسپير
- امانت
امانتداري د شتمنۍ او خيانت د بېوزلۍ راوړونکي دي.
محمد (ص)
- قضاوت
مخکې تر دې چې د بل چا د تګ په اړه پرېکړه وکړئ؛ لږ د هغوی په بوټونو کې قدم ووهئ.
تولستوی
- علم
زه تل د زدهکړې په حال کې يم. د قبره ډبره به مې د زدکړيالۍ سند وي.
ارتاکيت
- ژور فکر
له پوهې پرته ژور فکر او له ژور فکر پرته پوهه نشته
بودا
- پوهه
پوهه تل په ناپوهۍ پسې راځي.
ليو باسکاليا
- باور
که په خپل ځان د باور تر لاسه کړئ؛ د ژوند تر ټولو په ستر راز پوهېدلي ياست.
پيتر مک ويليام
- ځان پېژندنه
ښوونځي بايد له ماشومانو سره په ځان پېژندنه کې مرسته وکړي؛ تر څو له دې پوهې په ګټه ځينې ستر ارزښتونه تر لاسه کړای شي.
ابراهام مازلو
- معرفت
معرفت ته د رسېدو لپاره درې لارې شته: لومړی فکر کول چې تر ټولو غوره لار ده. دوهمه تقليد دی چې تر ټولو آسانه لار ده او دريمه تجربه ده چې تر ټولو ترخه لار ده.
کنفوسيوس
- پوهېدنه
پوهه او پوهېدنه
پوهه مړه او ولاړه ده؛ ولې پوهېدل ژوندي او خوځنده!
«اشو»
- عمل
نېکمرغي يوازې په پوهه کې نه بلکې له هغې څخه د کار اخستنې په ډول کې ده.
اوګاريو
- ليد
روزنه په کورنۍ کې، پوهه په ټولنه کې او بصيرت د يوازيتوب په تفکر کې زده کيږي.
نيچه
- ښوونکی
د زړې پوهې په مرسته د نوې پوهې لاس ته راوړنه د زدکړې له اصولو (ارونو) څخه يو دی. هر څوک چې دا کار وکړای شي؛ هغه ښوونکی او لارښود ګڼل کيږي.
کنفوسيوس
- هڅه
د پوهې زدهکړه تل پای ته نه رسېدونکې وګڼئ او هڅه مه پرېږدئ.
کنفوسيوس
- تکرار
نه يوازې زدهکړه بلکې (تکرارول) هم د زدهکړې او ښوونې مور ده.
ژان پل
- ناپوهي
پوهه انسان متواضع او خاکساره کوي او ناپوهي د ځان ستاينې لامل کيږي.
جان کایزل
