هر څوک چې په طبیعت کې ګرځي، په یو ډول نه یو ډول له خپل خدای پاک سره راز او نیاز کوي. له خدایه د مرستې غوښتنه کوي او ترې غواړي چې: خدایه پاکه! ته سمه لاره را وښیې او د تکامل په خوا مې بوځې، اندېښنې او روحي زخمونه مې ټکور کړې، غم او اندېښنې مې لرې کړې، په ژوند کې راسره مرسته وکړې او د روغتیا له نعمته مې برخمن کړې.
له لویانو نیولې تر کوچنیانو ټول انسانان په خپل ذهن کې هیلې لري چې غواړي ورته ورسېږي؛ دغه هیلې تر هغه وخته نه را برسېره کېږي، تر څو چې په ارامه فضا کې پرې فکر ونه کړی. د فکر د داخلي برخې د روښانه کولو لپاره یو هم بهر ته وتل او په پاک طبیعت کې ګرځېدل دي. له همدې لارې کولای شی په نړۍ کې خپل اصلي ځای پیدا کړی، خپل کمزوري ټکي پیدا کړی او د جوړولو لپاره یې حللارې ولټوی. کله چې په یوه شنه ځنګل او یا هم د سیند پر غاړه یوازې اوسی، له خپل وجوده یو ډول نا اشنا غږونه اوری چې تاسو دې ته اړ کوي تر څو د هغو سوالونو په اړه فکر وکړی چې په ذهن کې مو ګرځي.
حمیدالله حمیدي