ظریفه غفاري د عبدالواسع غفاري لور د وردګو ولایت اصلي اوسیدونکي په کال ۱۳۷۳ د تلی میاشتي په څلورمه نیټه د کابل ښار په لسمه ناخیه کې زیږدلي ده

لمړنی زده کړي يې د کابل ښار د رحمان مېنې د نجونو په عالي لېسه او منځنۍ زده‌کړې يې د پکتیا ولایت د حلیمه خزان په عالي لیسه کې بشپړې کړې دي.

په سیاسي او اقتصادي علومو کې یې له هندوستان څخه په ۲۰۱۵ کال کې د لسانس سند ترلاسه کړئ.
د یوې خیریې ټولنې مشري کوي چې په هېواد کې د ښځو د ژوند، زدکړو، حقوقو او په نورو ټولنیزو چارو کې د ښځو د چمتو کولو او پوهاوي لپاره کار کوي.
همدا شان اغلې غفاري په ټولنیزو چارو، غونډو، کانفرانسونو کې له ځوانانو سره فعاله ونډه لري او د روان چارو، ټولنیزو ننګونو، د ښځو د ظرفیت لوړولو کې وخت پر وخت علمي او پوهنیزې لیکنې کوي چې د ګڼو مجلو او ویب سایټونو کې خپریږي.
اغلې غفاري د پکتیا ولایت د ځوانانو د استازې، د بشري حقوقو په مرکزي دفتر کې پکتیا ولایت د ښځو د شورا د استازې په څېر پاتې شوې.