عبدالوافی نايبزی په ۱۳۷۱ل کال د ننګرهار ولایت د کوز کنړ په ولسوالۍ کې زېږېدلی دی. منځنۍ زدکړې یې په کال ۱۳۹۱ کې د ننګرهار په عالي لیسه کې بشپړې کړې دي.
اوس مهال د اقتصاد پوهنځي محصل دی.
په جلالآباد کې د نایبزي انستېتيوت په نوم د یوه علمي بنسټ، بنسټګر دی او د ماشوم د زدکړې د ملاتړ د بنسټ افتخاري مرستیال دی.
د مورنۍ ژبې سربیره پر انګریزي ژبه بشپړ تسلط لري او له دې ژبې څخه یې ګڼې ژباړې کړې دي چې ټول یې اتلس ټوکو ته رسیږي.
په مسلکي برخه کې یې دوه کتابونه د اقتصاد د علم په برخه کې ژباړلي.