پيژندنه
ښاغلی فاروق فردا د ننګرهار ولایت د بهسودو د سیمې اوسیدونکی دی.

زده کړې

فاروق فردا په خپله سیمه کې یې ښوونځی پیل کړ چې بیا  د ننګرهار له لېسې فارغ شو،  د کابل پوهنتون د علومو پوهنځي ته بریالی شو چې په همدې پوهنځي کې یې د ریاضي او فزیک په څانګه خپلې لوړې زده کړې پای ته ورسولې، ورپسې یې د اجتماعي علومو په انستیوت کې د تاریخ او ژورنالیزم په څانګه کې د ماستري زده کړې ترسره کړې .

 

شخصي ژوند
ښاغلي فردا واده کړی دی او د ګډ ژوند میوه یې درې ماشومان دي . مشری زوی ېې «بهمن» نومېږي۱۰ کلن دی. یوه لور ېې «مهرانه» نومېږي، اته کلنه ده او بله لور ېې «وسنا» نومېږي، شپږ کلنه ده.

 

 
دندې

۱- په شپیتمو کلونو کې د «درفش جوانان » د خپرونې د لیک ډلې غړی او د «پېشاهنګ» د مجلې د مسوول مدیر مرستیال و.
۲- د «پیام »د ورځپانې د پوهې او فرهنګ د څانګې مشر په توګه یې دنده ترسره کړې ده.
۳- د «اخبار هفته» د خپرونې مسوول سکرتر دنده یې په غاړه درلوده.
۴- د ټولنیزو علومو په انستیتوت کې د تاریخ او ژورنالیزم په دیپارتمنتونو کې استاد و.
۵- د افغانستان د لیکوالو د انجمن د مرکزي شورا غړی و.
۶ – د افغانستان د ژورنالیستانو د اتحادیي د مرکزی شورا غړی و.
۷- د افغانستان د ځوانو شاعرانو او لیکوالو د انجمن مسوولیت یې په غاړه و.
۸- د افغانستان د مخدره موادو سره د مبارزی د عالی کمیسیون غړی و.
۹- د افغانستان د فرهنګ د عالي شورا غړی و.
۱۰-د افغان – ویتنام د دوستۍ د ټولنې د رییسه هیات غړی و.
۱۱- د افغانستان د ملي جبهې د اجراییه هیات غړی و.
۱۲- د نوموړي جبهې د اوونیزي (ملي جبهه) د خپروونې مسوول مدیر و او د جبهې د تبلیغ او ترویج د څانګې عمومي مشرپه حیث یې کار کړی دی.
۱۳- د فرهنګ په برخه کې د افغانستان د ځوانانو د اتحادیی د عمومي رییس مرستیال و.

په اویایمو کلونو کې  د هېواد او په تیره بیا د کابل د ترینګولو حالاتو له سببه اړ شو چې هېواد پریږدي او روسیې ته ولاړ شي .

۱- په مسکو کې د ۱۷ کالو راهیسې د «نوید روز» په نامه یوه ورځپاڼه خپروي چې د مهاجرت له امکاناتو سره هره ورڅ په پښتو او دري ژبو خپرېږي.
۲- د افغانانو د کاري مرکز د خپرني ارګان «ساحل» د میاشتنی مسوول مدیر دی او د افغان په نامه د یوه ځايي تلویزیون مسوول هم دی چې د ورځې لس ساعته خپرونې لري.

 

خپاره شوي اثار
۱-د ګلپاڼو پرخې    شعري ټولګه
۲-سېوری     شعري مجموعه
۳-زه د ځنګله، د سیند او غره ملګری     شعري مجموعه
۴-آنکه در پای ګل خورشید خوابید (اږچرک)    دري.
۵-بازتاب اندیشه های مترقی در ادبیات معاصر افغانستان  دري
۶- د ماشومانو یاداښتونه  دري او پښتو
۷-په ډېرو ګډو مجموعو کې د نورو شاعرانو سره زما شعرونه.

نا چاپ آثار

۸-آشنا لیک     په پښتو شعر کې رومان. چې په ۷۰۰ مخونو کې چاپ ته تیار دی.
۹-د لیکوال لور   له روسي ژبې نه پښتو ته ژباړل شوی فرانسوی ناول.
۱۰-په شعر کې د عیني او ذهني انځور مساله.
۱۱-ته زما هیره نه یې      د شعرونو مجموعه.
۱۲- افغانستان د هېواد له یو شمېر سیاسیونو سره د مرکو مجموعه.
۱۳-دختر نویسنده،   له روسي ژبې ځخه د یوه فرانسوي ناول ژباره     دري.

لاسته راوړنې

۱ ـ  په روسیه کې کډوالو ته د خدمت په ویاړ د روسي د مهاجرینو د سراسري ټولنې له خوا د سروزرو مډال ورکړی شو.
۲- د مسکو د لیکوالو د اتحادیي له خوا  په روسیه کې د افغانی فرهنګ د پراختیا وروکولو په چارو کې د ښاغلي فردا هڅو لپاره د روسي د ستر لیکوال «انتوان چېخوف» مډال ورکړل شو او له دې سره دروسیي د لیکوالو د اتحاديي غړی هم ومنل شو.