ژباړه: قاسم امیري
ناسا پدې هڅه کې ده تر څو د انسانانو لپاره له ځمکې پرته په نورو سیارو او منظومو کې هم د ژوند وړ چاپېریال ومومي، اما ناسا کله کله د داسې موندنو سره مخ شي چې نه یواځې هدف ته پکې نه رسېږي بلکې د هدف له ټاکل شوي ماهیت سره څرګند تضاد پکې موجود وي.
ناسا په ۲۰۰۴ زیږدیز کال کې له لمریزې منظومې بهر په سرطان نومې فلکي منظومه کې یوه سیاره ومونده چې د خپل جوړښت له کبله د مرموزې سیارې په نوم ونومول شوه خو په ۲۰۱۱ زیږدیز کال کې په همدې سیارې ځینو څېړنو په ډاګه کړه چې د دې سیارې اټموسفیر له سیانیډ هایډروجن څخه جوړ شوی، سیانیډ هایدروجن هغه خطرناک او مهلک غاز دی چې په امریکا کې د جنګي مجرمینو د تر ټولو سختې شکنجې لپاره کارول کېږي او د نازیانو لخوا د یهودانو او مخالفینو د عامه وژنې لپاره په دویمه نړیواله جګړه کې په پراخه کچه وکارول شو.
د دې سیارې هوا نه یوازې د انسان د تنفس لپاره مناسب نده بلکه وژونکې هم ده. له بلې خوا په همدې سیاره کې د کاربن اکساید او کاربن مونو اکساید موادو څخه ډک رودونه بهیږي.
د امریکایي او فرانسوي ګډ پلاوي د موندنو په بنسټ چې په ۲۰۱۲ زیږدیز کال کې د Astrophisical Journal Leter کې خپاره شول ښیي چې: د دې سیارې په باندینۍ سطح کې ګرافیټ او نننی جوړښت کې الماس کارول شويدي.
دا (دوزخ نومې) سیاره هم د ځمکې پشان پخپل محور او د لمر په چاپېر راګرځي خو پدې توپیر چې د ځمکې په پرتله ۶۰ ځله لمر ته نږدې موقعیت لري. د دې سیاري داخلي تودوخه ۲۰۰۰ سانټي ګرید ته رسیږي. د دې سیارې جوړښت او ځانګړتیاوې په دیني کتابونو کې د دوزخ د ذکر شویو ځانګړتیاؤ سره ورته والی لري؛ په همدې خاطر د دوزخ په نوم نومول شوېده!
سرچینه: نشنل جیوګرافیک