نور احمد فضلي په کال ۱۹۹۲ کې په کندهار ولایت کې زږېدلی دی. خپلې زدکړې یې په کال ۲۰۱۲ کې د صوفي صاحب په لیسه کې ترسره کړي. اوس مهال د خپلو لوړو زدکړو په لټه کې دي.
ښاغلي فضلي له تمدن او اقرا د ژبو له مرکزونو سره د ۲۰۱۱ څخه تر ۲۰۱۴ زږدیز کال پورې په دنده بوخت و او اوس مهال له حمیدي ګرځندوی شرکت سره د کندهار د دفتر د مسول په ځای کار کوي.
فضلي د قلم او پوهې له خاصو مینوالو څخه دی او په همدې برخه کې یې د خپلې ځانکړې وړتیا په لرلو سره له فارسي، اردو، عربي او انګریزي ژبو څخه ګڼې لیکنې پښتو ژبې ته را ژباړلي دي. یو ځانګړی ویبلاګ د ښکلا په ښکلي نوم چلوي چې د ژوند په بیلابیلو اړخونو، عقیده، سیاست او همدا ډول په ټولنیزو مسایلو باندې یې لیکنې لیکلي، ژباړلې او خپرې کړي دي. دده لیکنې دده انلاین ویبلاګ سربیره، په ګڼو نورو مجلو، ورځپاڼو او په ویب سایټونو کې خپرې شوي دي.
د ژباړي په برخه کي فعلاً درې کتابونه تر لاس لاندي لري.
- د عقیدې چټکه زده کړه
- هېر شوي نبوي سنتونه او پندونه
- حکایتونه ( ژباړه او راټولونه)
