• د فلم اخيستلو کمره (Camera)
• ژباړه: حبيب وقار
• د فلم اخيستلو کامره څه شی ده؟ د کامرې اصلي برخې او د کامرې د کارولو ډول.

کامره په فلم کې د پرلپسې او تړلو انځورونو د ثبتولو يوه څانګه ده. په خلاصه توګه ويلای شو، هغه څه چې د فلم اخيستلو په وخت کې رامنځ ته کېږي دا دي چې:

کامره په صحنه کې د فلم اخيستلو په وخت کې، په يوې ټاکلې چټکتيا سره له ټاکلې صحنې څخه د بېلګې په توګه (په ثانيه کې ۲۴ قابه) په پرلپسې توګه فلم اخلي. دا انځورونه د فلم په مخ د قاب په ډول په قاب کې ثبت کېږي. وروسته دا فلم د نندارې په دستګاه کې ږدي، په همغه چټکوالي سره چې فلم اخيستل شوی، هغه نندارې ته وړاندې کوي، د انسان د سترګو د پرلپسې ليدلو د ځانګړنې له مخې، يو پر بل پسې حرکت رامنځ ته کوي.

نن ورځ په بېلو اندازو کې د بېلو وړتياوو لرونکې کامرې توليدېږي چې په بېلو طريقو سره په بېلو ځايونو کې د فلم اخيستو لپاره کارول کېږي. موږ به دېجېټل کامره و ارزوو.

د ډېجېټل کامرې بېل ډولونه:

د ډېجېټل کامرې ارزښت لرونکي ډولونه عبارت دي له Mini DV، Digital8 ، MicroMV، DVD، سخت ډېسک او آن HD- DVD چې هغوی ته به هم په لنډه توګه اشاره وکړو.

Mini DV

د فلم اخيستو ډېره دوديزه کامره ډېجېټل ده، د کاسټ فېتو په ډول فيتې لری چې وخت يې هم په بېلابېله توګه له نيم ساعت څخه تر ۲ ساعتونو پورې دی. د کامرې دا ډول د فلم اخيستو ټول ډېجېټل امکانات لکه ښه تصوير همدارنګه د کاروونکو په واک کې د PCM سټوډيو ښه غږ په آسانۍ سره ورکوي. ځينې له دې فيتو څخه يوه وړه برخه لري چې نېټه، ساعت او نور اطلاعات پکې ثبت دي.

Digital8

سونيDigital8 کامرې دHi8 فيتو يا ۸ کيلومتره واټن څخه د فلم اخيستو وړتيا لري. له mini DV څخه لږ لويې او ارزانه دي.

د دې کامرې په کارولو سره به وکولای شئ د پخواني انالوګ ۸ ملي متري فيتې هم خپرې کړﺉ او هغه په ډېجېټل هم بدلوی شئ چې البته دا د خصوصي موډلونو ځانګړتيا ده. د Digital8 کامرې د ماشين چټک ګرځېدو ته په پام سره، د يو ساعته فيتې په مخ به يوازې نيم ساعت فلم ثبت شي. Mini DV او Digital8 د DV د انځورونو د واړه کولو له سټنډرد نه ګټه اخلي.

نور بيا…

[news_box style=”1″ display=”category” title=”نورې برخې” category=”178″ tag=”null” show_more=”on”]