ژباړه: انجنیر محمد فريد عاطف

پرکانکریټو د نفوذ قابلیت ازمایښت . Permeability Test on Concrete

پرکانکریټو د نفوذ قابلیت ازمایښت ددې لپاره ترسره کیږي څو مالوم شي کانکریټ له چاپیریال څخه د وظیقوي ژوند پرمهال څومره اوبه جذبوي .هغه فکتورنه چې د کانکریټو د نفوذ قابلیت باندې اغیز لري په لاندې ډول دي .
i. د کانکریټو مخلوط تناسب .
ii. د کانکریټو په مخلوط کې د اضافي کیمیاوي موادو او سیمنټي موادو شتون.
iii. د هوا مقدار .
iv. د ډکوونکوموادو او سیمنټي موادو جوړښت او فزیکي خاصیت .
v. کانکریټو ته له اچولو وروسته د اوبو ورکولو ډول او موده .
vi. د کانکریټو د ځای په ځای کولو میتود.
پرکانکریټو د نفوذ قابلیت د ازمایښت لپاره لاندې پروسیجر ترسره کیږي .
1. د کانکریټو درې نمونې غوره کیږي چې قطر یې د کانکریټي ساحې 200mm او لوړوالی یی 120mm او کانکریټ اچول کیږي .
2. وروسته له 24 ساعتونو منځنۍ نمونه په 100mm قطر سره زیږه کیږي او پاتې برخه یې د سیمنټي مسالې سره سیل کیږي .
3. نمونه د 28 ورځو لپاره خوندي ساتل کیږي او اوبه ورکول کیږي او د نمونې په منځي برخه اوبه په فشار سره ورپریښودل کیږي څو د کانکریټو دننه اوبه ننوځي .د اوبو فشار به په لاندې ډول وي .
i. د 48 ساعتونولپاره 1kg/cm2 د اوبو فشار .
ii. د راتلونکو 24 ساعتونو لپاره 3kg/cm2 فشار.
iii. د راتلونکو 24 ساعتونو لپاره 7kg/cm2 فشار.
4. وروسته له دې ،نمونه دوه ټوټې کیږي او ماتیږي څو دننه اوبو ننوتل وکتل شي.نمونه په فشاري ماشین کې ماتیږي او په دوه مخامخ نقطو کې له مرکزمحور څخه لري پرې متمرکز بار واردیږي .
5. د نفوذ اوسط قیمت پیداکيږي .د اوبو د ننوتو ژوروالی باید له 25mm زیات نه وي .که داسې ونه شي نو ګڼل کیږي چې نمونه په نفوذ قابلیت کې ناکامه شوې .

د کانکریټو د نفوذ قابلیت کیدای شي د اوبو-سمنیټو نسبت په قیمت ټیټولو .ښه تخته کولو او ښو اوبو ورکولو سره راکم شي .
د اوبو –سیمنټو نسبت او نفوذ قابلیت ضریب ترمنځ اړیکه په لاندې ډول ده .
i. که داوبو –سیمنټو نسبت 0.32 وي د نفوذ قابلیت ضریب 1 x 10-3 (یو ضرب لس په توان منفي درې)
ii. که داوبو –سیمنټو نسبت 0.50 وي د نفوذ قابلیت ضریب 10 x 10-3 (لس ضرب لس په توان منفي درې)
iii. که داوبو –سیمنټو نسبت 0.65 وي د نفوذ قابلیت ضریب 100 x 10-3 (سل ضرب لس په توان منفي درې)