لیکنه: عمران اشنا
په پخوا زمانو کې اقتصاد پوهانو دبازار موندنې په تړاو بېلابېلې فرضیې او نظرې د کار وبار څښتنانانو ته وړاندې کړي دي، چې دوخت له نظره دهماغه وخت فرضې او نظرې ګټورې وې،؛خو دوخت په تېرېدو په نړۍ کې ستر بدلونونه رامنځته شوو، دابدلونونه یوازې په اقتصادي نړۍ کې،بلکې په صنعت، سیاست زراعت … او دژوند ټول اړخونه په برکې نیسي.
لکه څرنګه چې وایو رسنۍ دي، چې د یو هېواد د وګړو دژوند او ټولو برخو په اړه موږ ته په اسانۍ سره معلومات راکوي، نو هرومرو به رسنۍ خپل رسالت په ټولو برخو کې اداکوي.
په افغانستان او ټوله نړۍ کې ټولنیزو رسنیو په وروستیو کالونو کې چټک پرمختګ وکړ، ټولنیزو رسنیو، دغږیزو او انځوریزو رسنیو دیرش کالن واټن په تېرو په پنځو کالونو کې رالنډ کړ.
اوسمهال دټولنیزو رسنیو پرمټ په افغانستان او نړۍ کې انلاین بازارونه موجود دي، دطرفینو له لورو په بازار کې داخیستلو او خرڅولو هیڅ انحصاریت نشته، دټولنیزو پرمټ پلورونکي په وړیا ډول کولی شي خپل سوداګریز اعلانونه په کم وخت کې میلیونو وګړو ته ورسوي، داقتصاد له نظره دایو مهم اصل دی؛ چې یو تصدي خپل اعلانات تر زیاتو وګړو ورسوي او له همدې لارې زیات خرڅلاو په کم وخت کې وکړي او مناسبه ګټه ترلاسه کړي.
بنآ ویلی شو چې ټولنیزې رسنۍ (فیسبوک، انستګرام، ګوګل …) تر بلې هرې وسیلې په اوسني وخت په بازار موندنه کې موثره رول لوبوي.
پایله: د خرڅلاو ستر مرکزونه چې لاهم په بازار کې دپیریددونکو له کمښت شکایت لري، په پراخ ډول دې دخپلو سوداګریزو مرکزونو اعلانات په (فیسبوک ‘انستګرام …) کې خپاره کړي ترڅو په کم وخت ډېر پیریدونکي/ مشتریان پیدا کړي.
