ژباړه: احسان الله لمر

دريمه برخه
جګ بستر يا raised bed ستاسې د باغ په پورتنۍ پلاټ کې جوړېږي، په دې کې د باغ سطحه د خپلې اصلي سطحې څخه جګېږي.
جګ بسترونه یو شمېر ګټې لري. د جګ بستر په جوړولو سره کولی شو چې خاوره په اسانۍ سره سمه او اصلاح کړو او هم يې د غوره ذهکشۍ لپاره برابره کړو. خاوره په پسرلي کې په چټکۍ سره تودېږي او وروسته بیا په مني کې له سړېدو سره مخ کېږي. په جګ بستر کې ساتنه اسانه وي چې پکې هيڅ يا لږ تایليج ته اړتيا وي او د دې تر څنګ د اصلي باغ په پرتله په دې کې لږ هرزه بوټي موجود وي. د دې له امله چې دا ډول بسترونه د باغ د معياري پلاټونو په پرتله کوچني وي، نو دا به اسانه وي چې د سبزيجاتو حاصلات پکې لاسته راوړو.
په کومو صورتونو کې په جګو بسترونو کې سبزيجات وکرو؟
دا ډول بسترونه په سړو اقليمونو کې او د وختي کرل کيدونکو کرنيزو نباتاتو لکه salad greens، پیاز او نخودو لپاره ګټور دي. ځکه چې دا ډول خاورې د ځمکې د سطحې خاورو په پرتله 8-10 درجو پورې ګرمې وي.
په هغه صورت کې چې د باغ خاوره درنه او يا په کمزوري ډول سره زهکشي ولري، نو دا ډول بسترونه ورته یو ښه انتخاب کيدلی شي؛ ځکه چې جګ بسترونه د دې له امله چې جګوالی لري، د ځمکې د خاورې پلاټونو په پرتله په چټکۍ سره وچېږي او د دې تر څنګ په دې بسترونو کې کرل شويو کرنیزو نباتاتو تر منځ اکسیجن په ازاده توګه دوران کوي.
جګ بسترونه د تودوخې خوښوونکو سبزيجاتو لکه رومي بانجانو او مرچو لپاره غوره دي، دغه سبزيجات په دې ډول بسترونو کې ګرم او وچ پاتې کېږي، ځکه چې دې دا ډول بسترونه له درې خواوو څخه د لمر او هوا پوسيله احاطه شوي وي.
دغه ډول بسترونه د ريښه لرونکو کرنیزو نباتاتو لکه جغندرو، ګازرو، موليو، کچالانو او نورو لپاره یو زبردست انتخاب دی، ځکه چې په دې کې خاوره ازاده وي او سبزيجاتو ته اجازه ورکوي چې په اسانۍ سره په دې خاورو کې پراختيا ومومي.
په جګو بسترونو کې د رومي بانجانو کرنه له اسانه او عملي انتخابونو څخه دی تر څو په کتاري شکل سره وکرل شي.
پای