لیکنه: سمیع الله کاروان
ښه حکومتولي هغه وخت رامنځ ته کیږي کله چه په یو حکومت کې ټولې کړني په ښه توګه لارښوونه او په ښه توګه تر کنترول لاندې ونیول شي.
د ښه حکومت ولئ د پاره باید په لاندې ټکو عمل وکړای شي.
۱ .عدل او انصاف د حکومت په ټولو چارو کي باید له عدل او انصاف څخه کار واخستل شي. اساسي قانون او تګلاره باید د غریب او شتمن ، خپل او پردي ، نر او ښځې ، ځوان او ځوړ او داسې نورو له پاره یوشان وي.
۲ . شفافیت وګړي باید بشپړ پوهاوی ولري. تر څو پدې وپوهیږي چه د یو کار اقدام په کوم بنیاد سره تر سره کیږي. مطلب وګړي د دې قابل اوسي چه په شفافیت ډول سره وویني چه ولې او څنګه نوموړی کار ترسره شو او کوم معلومات، مشورې، او کوم قانون عملي کړای شو.
۳ . اساسي قانون د هر عمل تر سره کیدل او هره پریکړه باید د اساسي قانون په بنیاد عملي او ترسره شي او له اساسي قانون څخه بیرون نه وي.
۴ . توند جواب ورکونکي ښه حکومتولي باید د وګړو هره جایز غوښتنه عملي کړي. او د هغوی د غوښتنو په مقابل کې هغوی ته په خپل وخت، مناسب او غوره جواب ترسره کړي.
۵ . اغیزمنتیا او پوره والی ښه حکومتولي باید اخستل شوي کړنو ته عملي جامه ورواچوي. او د هغې د عملي کیدو په وخت کې یې باید له نږدي لیدنه وکړي . تر څو په نوموړې عملیه کې د استفاده شوي وګړو ، مادې او وخت په اغیزمنتیا او پوره والي ډاډ حاصل کړي .
۶ . خپلواکي د یو عمل لپاره اقدام کوونکي ، مشوره ورکوونکي ، عملي کوونکي او داسې نور باید له هر قسم بهرني فشار څخه ازاد او خپلواک اووسي. تر څو وکولای شي خپلی شخصي ګټې یې باید له دولتي ګټو غوره او په لمړي سر کې قرار ونه لري.
۷ . ایمانداري او رښتونولي ټول حکومتي کارکونکي باید په هر کار کې له پوره ایماندارئ او رښتونولئ څخه کار واخلي، کومه چه زمونږ اسلامي فریضه ده. تر څو وکولای شي په ځان د ملت باور تر لاسه کړي. په هغه ټولنه کې چه بې باوري شتون ولري ، ښه حکومتولي منځ ته نه شي راتلای.
۸ . ښه نوم ساتنه ټول دولتي چارواکي باید له بهرنیو هیوادونو سره په خاصه توګه له ګاونډیو هیوادونو سره په ټرانزیټي، سیاسي ، امنیتي او داسې نورو چارو کې په پوره جرات او صادقانه کړنې تر سره کړي. تر څو په خپل ګاونډ کې د یو ښه نوم درلودونکی اووسي.