پيژندنه

کمال الدین مستان د جمال الدین زوی ، په ۱۳۳۷ لمریز کال د لوګر ولایت د څرخ علاقه دارۍ ، په شش کلا نو می کلي کې په یوه بزګریزه کورنۍ کې زیږیدلی دی.

زده کړې

کما ل الدین مستان لومړنی ، منځنۍ او ثانوي زده کړې یې په خپله سیمه کې ترسره کړې دي، د لوړو زده کړو لپاره کا بل ته راغی ، د کابل پوهنتون ادبیاتو پوهنځی یې ولوست او بری لیک یې تر لاسته راوړ . دندې ۱-  د روغتیا زیری ، هنر ، فر هنګ مردم  او آواز  د مجلو چلوونکي یا همکار په توګه یې دنده ترسره کړې ده. ۲-  د کلنی ( سالنامی )  د آمر په توګه یې دنده ترسره کړې ده . ۳- د اطلاعاتو او کلتور وزارت د نشراتو د لوی ریاست  د ادبي دیپارتمنت مشر په حیث دنده سر ته رسولې ده. ۴- د اطلاعاتو او کلتور وزارت د ازریابۍ د څانګې د آمر په توګه دنده تر سره کړې ده. ۵- د راډیو تلویزیون د نطا قانو د ادارې مشري یې هم یوه موده په غاړهدرلوده. ۶ –  د بي بي سي د نوي کور نوي ژوند د کار مند په تو ګه یې کارو نه کړي دي. ۷ – اوس د دولتی راډیو تلویزیون د هنر او ادبیاتو د ریاست مرستیا ل دی .

چاپ شوي آثار :

عبدالغفور ليوال د مستان شاعري د لنډې ارايې شاعري بولي : (( يو ډول مختصر نويسي يا د لنډې ارايې شاعري ده. په دې معنی چې کله کله د هغه شعر يوازې څو کلمات دي چې د يوه شاعرانه تصوير په دننه کې کار کوي.)). سره له دې چې کما الدین مستان تر هرڅه لومړی شاعر دی خو د نثر په برخه کې یې هم د پام وړ کارا کړی دی، چې د ښاغلي مستان  خپاره شوي اثار په لاندې ډول دي.

۱–  ولسي شا عران

۲ــ ولسي پانګه

۳ــ د بهایي جان احوال او آثار

۴ـــ بهایي جان شاعر شیرین سخن ( دري)

۵ـــ  بڼکه   ــ   ناول   ـ ژباړه

۶ــ هوښیاره نجلۍ  ــ  ماشوما نه فوکلوریکه کیسه ( بي بي  سي )

۷ ــ  کیسی  ــ  چیستانونه ( بي بي سي)

۸ـ  د موسهی مولوی فیض محمد آخندزاده احوال او آثار

۹ـ  زما پوهنځی  ــ  ژباړه

۱۰ــ توپان  ــ  ژباړه

۱۱ ـــ  پرېمنځلې خندا   ـ   شعري ټولګه

۱۲ د پاڼو شهادت   ــ   شعري غونډ

۱۳  د لمر شعلو ته ــ   شعري ټولګه .

۱۴ – د چکړیو منیار ژباړه

 

 

 

 

 

کماالدین مستان د پښتو ژبې په خواکې په دري ژبه هم لیکل او شاعري کوي.