راټولونه: عبد الله بن محمد السدحان
ژباړه: انــــــدیال ساپی

کوچـــنی عمل ســـتر ثواب په نیکو اعمالو باندی د خپل وخت مشغولولو په موخه د ځینې هغه ویناوو او عملونه ټولګه ده چې په صحيحو حديثونه کې په اړه د نبی صلی الله علیه وسلم نه لوی اجر او ثواب ثابت دي.

لومړی:برخه…

اسانه او غوره ویناوې چې اجر او ثواب یې څو چنده دی.

(۱)دا کلمات ویل:«سُبْحَانَ اللَّهِ وَبِحَمْدِهِ،سُبْحَانَ اللَّهِ الْعَظِيمِ».

رسول الله صلی الله علیه وسلم فرمایلې: «كَلِمَتَانِ خَفِيفَتَانِ عَلَى اللِّسَانِ، ثَقِيلَتَانِ فِي الْمِيزَانِ، حَبِيبَتَانِ إِلَى الرَّحْمَنِ، سُبْحَانَ اللَّهِ وَبِحَمْدِهِ، سُبْحَانَ اللَّهِ الْعَظِيمِ»
ژباړه:«دوه کلمی او جملی دی، په ژبه یې ویل اسانه دی، په تللو کې درنی دی، او الله جل جلاله ته ډیری محبوبی دی:سُبْحَانَ اللَّهِ وَبِحَمْدِهِ، سُبْحَانَ اللَّهِ الْعَظِيمِ، پاکی ده الله تعالی لره سره د ثنا او ستاینی د هغه، پاک دی الله تعالی چې لوی ذات دی».

(۲) دا کلمات ویل: « سُبْحَانَ اللَّهِ وَبِحَمْدِهِ عَدَدَ خَلْقِهِ، وَرِضَى نَفْسِهِ، وَزِنَةَ عَرْشِهِ، وَمِدَادَ كَلِمَاتِهِ».

رسول الله صلی الله علیه وسلم فرمایلې دی: «لَقَدْ قُلْتُ بَعْدَكِ أَرْبَعَ كَلِمَاتٍ ثَلَاثَ مَرَّاتٍ لَوْ وُزِنَتْ بِمَا قُلْتِ مُنْذُ الْيَوْمِ لَوَزَنَتْهُنَّ؛ سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةِ عَرْشِهِ وَمِدَادَ كَلِمَاتِهِ».
ژباړه:«یقینا ما له تا وروسته څلور کلمات دری ځل وویل، که چیرې ستا د ټولی ورځی له ذکر سره وتلل شی نو له هغی به درانده وی: سُبْحَانَ اللَّهِ وَبِحَمْدِهِ عَدَدَ خَلْقِهِ، وَرِضَى نَفْسِهِ، وَزِنَةَ عَرْشِهِ، وَمِدَادَ كَلِمَاتِهِ، پاکی د الله جلا جلاله لره اوغوره ستاینه ده هغه لره په اندازه د مخلوقاتو د هغه، د نفس د رضا د هغه، په وزن د عرش د هغه، او په رنګ د کلماتو د هغه ».

(۳) دا دعا ویل:« الْحَمْدُ لِلَّهِ الَّذِي أَطْعَمَنِي هَذَا وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ».

رسول الله صلی الله علیه وسلم فرمایلې دی: «مَنْ أَكَلَ طَعَامًا فَقَالَ: الْحَمْدُ لِلَّهِ الَّذِي أَطْعَمَنِي هَذَا وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ، غُفِرَ لَهُ مَا تَقَدَّمَ مِنْ ذَنْبِهِ».
ژباړه:«چا چې ډوډی وخوړه او بیا یې وویل: الْحَمْدُ لِلَّهِ الَّذِي أَطْعَمَنِي هَذَا وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ، پاکی ده هغه ‌ذات لره چې ماته یې دا خواړه راکړه، او ماته رزق راکوی بغیر زما د قوت او طاقت نه، نو ټول مخکنی ګناهونه به ورته وبښل شی».
همدا رانګه د اوبو څښلو او جامو اغوستلو پر وخت هم دا دعا ويل.

(۴) دا کلمات ویل:«سُبْحَانَ اللهِ الْعَظِيم وَبِحَمْدِهِ».

نبی صلی الله علیه وسلم فرمایې:«مَنْ قَالَ: سُبْحَانَ اللهِ الْعَظِيم وَبِحَمْدِهِ، غُرِسَتْ لَه نَخْلَة فِي الْجَنّةِ».
ژباړه:«چا چې دا کلمات وویل: سُبْحَانَ اللهِ الْعَظِيم وَبِحَمْدِهِ ،پاکی ده الله تعالی لره چې لوی ذات دی ، حمد او ثنا ده هغه لره، په جنت کې به د هغه لپاره د خرما نیالګی کیښودل شی».

(۵) دا کلمات ویل: «سُبْحَانَ اللَّهِ وَبِحَمْدِهِ».

رسول الله صلی الله علیه وسلم فرمایلې دی: « مَنْ قَالَ حِينَ يُصْبِحُ وَحِينَ يُمْسِي: سُبْحَانَ اللَّهِ وَبِحَمْدِهِ مِائَةَ مَرَّةٍ حُطَّتْ خَطَايَاهُ وَإِنْ كَانَتْ َ مِثْلَ زَبَدِ البَحْرِ ،ولَمْ يَأْتِ أَحَدٌ يَوْمَ القِيَامَةِ بِأَفْضَلَ مِمَّا جَاءَ بِهِ إِلَّا أَحَدٌ قَالَ مِثْلَ مَا قَالَ أَوْ زَادَ».
ژباړه:«څوک چې سحر او ماښام سل ځله: سُبْحَانَ اللَّهِ وَبِحَمْدِهِ ووایې، ټول ګناهونه به یې ورژیږی اګر که سمندر د زګ هومره هم وی، او قیامت په ورځ به څوک د ده نه په غوره عمل راتلل ونه کړی، مګر هغه څوک چې د ده په څير یا له ده څخه زیات عمل(ذکر) یې کړی وی ».